Мектепішілік және студенттік парламент

Негізгі ережелер

Мектепішілік және студенттік парламент (МжСП) – білім беру ұйымын басқаруға қатысу құқығын іс жүзінде жүзеге асыруға мүмкіндік беретін мектеп оқушылары мен студенттер ұжымының өзін-өзі ұйымдастыру механизмі.

Өзін-өзі басқарудың басымдық қағидалары

• Гуманизм қағидасы: адамның қадір-қасиеті мен жеке тұлғаның мүдделерін құрметтеу.
• Демократиялық қағидасы: мәселелерді ұжымдық, еркін талқылау мен шешуге негізделген.
• Заңдылық қағидасы: ҚР Конституциясы мен басқа да құқықтық актілерді сақтау.
• Теңдік қағидасы: барлық қатысушылар тең құқықтарға ие.
• Сайлау қағидасы: басқару органдары сайлау арқылы құрылады.
• Жаңару және үздіксіздік қағидасы: құрылымдар кезеңді түрде жаңартылып отырады.
• Ашықтық қағидасы: өзін-өзі басқару органдарының жұмысы баршаға ашық болуы тиіс.
• Мақсаттылық қағидасы: өзін-өзі басқару органының қызметі оқушылар мен студенттердің қажеттіліктерін іске асыруға бағытталуы керек.
• Өкілдік қағидасы: сайланған мүшелер студенттердің атынан әрекет етеді.

Фракциялар қызметінің мазмұны

«Атқару» фракциясы

• МжСП қызметін реттеу және стратегиялық жоспарлау.
• Нормативтік құжаттар мен есептік талдаулар әзірлеу.
• Мектеп жобаларын қолдау және үйлестіру.
• Іс-шараларды ұйымдастыру және өткізу.

«Азаматтық» фракциясы

• Әскери-патриоттық іс-шаралар мен волонтерлік қозғалыстарды дамыту.
• «Полицияның жас досы», «Жас Сарбаз» қозғалыстарын қолдау.
• Экологиялық және табиғатты қорғау қызметін ұйымдастыру.
• Мәдениет және толеранттылықты дамыту.
• Өлкетану экспедицияларын ұйымдастыру.

«Білімпаз» фракциясы

• Болашақ мамандықты анықтауға көмектесетін іс-шаралар ұйымдастыру.
• Ғылыми және өнертапқыштық қызметті дамыту.
• Олимпиадалар, байқаулар өткізу.

«Мәдениет» фракциясы

• Фестивальдар, байқаулар және шығармашылық іс-шараларды өткізу.
• Кино клубтарын ұйымдастыру.
• Мәдени-демалыс бағдарламаларын жүзеге асыру.

«Ақпарат медиа» фракциясы

• Мектеп медиа орталықтарын дамыту.
• Жас журналистерді оқыту.
• Электрондық газет, радио және басқа медиа жобаларды жүзеге асыру.

«Эко қоғам» фракциясы

• Қоршаған ортаны қорғау, экологиялық сенбіліктер өткізу.
• «Таза Қазақстан» жобасы аясында іс-шаралар ұйымдастыру.
• «Жасыл мекен» челленджін өткізу, көгалдандыру жұмыстарын жүргізу.

«Салауат» фракциясы

• Салауатты өмір салтын насихаттау.
• «Вейпсіз жастар» байқауын өткізу.
• Спорттық эстафеталар ұйымдастыру.
• Денсаулық сақтау өкілдерінің қатысуымен тренингтер өткізу.