ЭЦҚ (электрондық цифрлық қолтаңба) — қолмен қойылатын қолтаңбаның заңды күші бар баламасы болып табылады және электрондық форматта мемлекеттік қызметтерді алу кезінде жеке басын растау үшін қолданылады. Қазақстан Республикасының «Электрондық құжат және электрондық цифрлық қолтаңба туралы» Заңына сәйкес, ЭЦҚ иесі өз кілттерінің құпиялығын сақтау үшін барлық қажетті шараларды қабылдауға міндетті және ЭЦҚ-ны үшінші тұлғаларға беруге құқығы жоқ. ЭЦҚ-ны басқа адамға беру арқылы мемлекеттік қызметтер алу — сіздің электрондық әрекеттеріңізге бақылауыңызды жоғалтуға алып келуі мүмкін!
